Moskvada Azərbaycana məxsus pavilyon çin alverçilərinə icarəyə verilib.
Simsar.az-ın məlumatına görə, bu barədə “Moskovski novosti” qəzeti yazıb. Qəzetin məlumatına görə, SSRİ Xalq Təsərrüfatları Sərgisi 15 müttəfiq respublikanın öz məhsullarını nümayiş etdirmək üçün nəhəng kompleks olub. SSRİ dağılandan sonra həmin kompleksdə hər bir müttəfiq respublikaya aid pavilyonlar həmin respublikaların mülkiyyətinə verilib.
Azərbaycan SSR-yə aid 14 saylı pavilyon da müstəqil Azərbaycanın mülkiyyətinə çevrilib. Pavilyonlarda hər bir postdovet ölkəsi öz milli məhsullarını nümayiş və satmaq üçün istifadə edirlər. Azərbaycandan başqa. Azərbaycana məxsus pavilyon Çindən gələn alverçilərə icarəyə verilib Qəzetin yazdığına görə, 14 saylı pavilyonda Azərbaycan malına rast gəlmək mümkün deyil. Burda Çindən gələn kiçik sahibkarlar ərzaq məhsulları, geyim və digər malların satışı ilə məşğul olurlar.