“Azərbaycan Avropanın enerji təhlükəsizliyinin təminatında da mühüm rol oynayır”
Texaslı konqresmenlər Ted Po və Cen Qrin Nümayəndələr Palatasının spikerinə müraciət edərək Azərbaycana dövlət yardımını yasaqlayan “Azadlığa dəstək aktı”na 907-ci düzəlişin ləğvinə çağırıblar.
Müraciətdə deyilir ki, 20 il əvvəl prezident Buş (böyük) “Azadlığa dəstək aktı”nı imzalayıb: “Sənədə əsasən, keçmiş SSRİ respublikalarına demokratiya quruculuğuna görə vəsait ayrılır. Sonradan akta 907-ci düzəliş edilib. Düzəliş Azərbaycana yardımın göstərilməsini qadağan edir. Bu ölkə ABŞ-ın ciddi tərəfdaşıdır və 2001-ci ilin sentyabrından sonra Əfqanıstanda Qərb qoşunlarının təchizatı üçün öz hava məkanını açıb. Azərbaycan Avropanın enerji təhlükəsizliyinin təminatında da mühüm rol oynayır.
Ötən illər ərzində ABŞ administrasiyası bütün prezidentlərin dövründə bu düzəlişin ləğvini təklif edib. Konqres bu arxaik düzəlişi ləğv etməlidir. Amerika şirkətləri Azərbaycanın təbii resurslarından mənfəət əldə etdiyi, bu ölkənin əsgərləri beynəlxalq terrorizmə qarşı mübarizədə bizim əsgərlərlə yanaşı dayandığı halda müttəfiqimizə “izqoy ölkə” kimi yanaşmaq düzgün deyil. 907-ci düzəliş Amerikanın Xəzər regionundakı yaxın müttəfiqinə şillədir. Həmkarlarımızı bu düzəlişi mümkün qədər tez ləğv etməyə və dostumuz Azərbaycanı dəstəkləməyə çağırırıq”.
907-ci düzəliş 1992-ci ilin oktyabrında erməni lobbisinin təşəbbüsü ilə edilib. Düzəlişin mətnində deyilir ki, Qarabağ münaqişəsi nizamlanmayana kimi ABŞ Azərbaycana dövlət yardımı göstərməyəcək.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
