/
Ağıllı telefonlarda olan ödənişsiz mesaj proqramları telekom şirkətlərinə zərər vurub. Simsar.az-ın məlumatına görə, bu ildən telekom şirkətlərinin qısa mesaj xidməti (SMS) qazanclarının dünya səviyyəsində 23 milyard dollar azalması gözlənilir. Texnologiyadakı inkişafı araşdıran Ovum şirkətinə görə, ağıllı telefonlarda olan “WhatsApp” kimi proqramların istifadəçisinin çoxalması telekom şirkətlərinin 2016-cı ilin sonunda 54 milyard dollar zərər edəcəyini göstərir.
Şirkətin hazırladığı hesabata görə, ağıllı telefonlara olan tələbatın get-gedə artması və ödənişsiz mesaj proqramlarından istifadə SMS-ə olan tələbatı azaldır. Ovum bu şərtlərdə telekom şirkətlərinin vəziyyətini qəbul edib, fərqli bir taktika həyata keçirmələrini məsləhət bilib.
Xatırladaq ki, Ovum 2009-ci ildə telekom şirkətlərinin danışıqlardan əlavə gəlirlərinin ümumi qazancın 57%-ini təşkil etdiyini bildirmişdi. 2012-ci ildə isə bunun 47% olacağı vurğulanıb.
İlknur Salamova