/
İngilis dizayner Dominik Vilkox istifadəçinin gedəcəyi yeri tapmasını asanlaşdıran naviqasiyalı ayaqqabı istehsal edib. Simsar.az-ın məlumatına görə, Vilcox bu ayaqqabını “Oz Cadugəri” kinosundakı Dorofi Qale xarakterinin qırmızı ayaqqabılarından ilham alaraq yaradıb. Kinoda Dorofi evə getmək üçün ayaqqabılarının topuqlarını bir-birinə vururdu və ayaqqabıları onu evə aparırdı. Evin yolunu daha asan tapmağa kömək edən ayaqqabı dünyanının harasında olmasından asılı olmayaraq, sahibini öz evinə geri istiqamətləndirə bilir. Sol topuğa yerləşdirilmiş naviqasiya cihazı ilə yanaşı bir də etiket formasında antena var. İstənilən adresləri ayaqqabıya yükləmək olur. Bunun üçün bir proqram və USB kabeli kafidir. Sağ ayaqqabıda əməliyyatı göstərən bir hissə var. Bu hissə ayaqqabını geyən adamın hədəfə nə qədər yaxınlaşdığını göstərir. Sol ayaqqabıda olan halqa formasındakı işıqlar isə doğru istiqamətdə gedib getmədiyiniz haqda məlumat verir.
İlknur