.
Rusiyanın “Rossiyskaya Gazeta” qəzeti Suriya-Türkiyə sərhədindəki gərginliyi başladanın Əsəd yox, Suriya kürdləri olduğunu iddia edib. Simsar.az-ın məlumatına görə, “Ankara şifrələri” başlıqlı xəbərdə “Türkiyə rəhbərliyi bir neçə gündüri bütün dünyanı Suriya ordusunun torpaqlarını bombardmana tutmağa razı salmağa çalışır. Ancaq ekspertlər keçən ilin yazından Türkiyənin Suriya ilə sərhəd bölgələrində PKK terror təşkilatınn idarəsində olduğunu çox yaxşı bilir”.
Türk hökumətinin Əsəd rejimi qayğısıyla yaşamadığı qeyd edilən xəbərdə, Suriya ordusunun onsuz da dörd ay əvvəl Türkiyə sərhəd bölgəsini tərk etdiyi deyilir: “Bu ərazilər indi kürdlərin əlindədir və Türkiyə torpaqlarına top atışı edənlərin üzərində kürd bayraqları dalğalanır. Buradakı kürdlərin sayı da 2 milyona yaxındır. Onların ən böyük həsrəti isə Türkiyədəki kürd torpaqlarını ələ keçirərək Kürdüstan dövlətini qurmaqdır”. Xəbərdə qeyd olunub ki, Ərdoğan Suriya sərhədindən sadə bir səbəblə keçə bilməyəcəyini də çox yaxşı bilir. Ərəb dünyası Əsədi sevməsə də, hələ dostları var. Buna görə də, Türkiyə ilə Suriya arasında bir müharibə baş versə səhv Şam rəhbərliyinin yox, Ankara rəhbərliyinin olacaq. Ərdoğan NATO-nu işin içinə qatmaq istəyir. Vəziyyəti başa düşən NATO isə Ərdoğanın köməyinə qaçmağa tələsmir”.
İlknur Salamova