.
Türkiyənin “Fenerbahçe” futbol komandası ilə müqaviləsinin müddəti başa çatan braziliyalı oyunçu Aleks De Souza baş nazir Rəcəb Tayyib Ərdoğanla qucaqlaşaraq vidalaşıb. Simsar.az Türkiyə mətbuatına istinadən xəbər verir ki, tərəflər arasında görüş Ərdoğanın tələbi ilə baş nazirin “Dolmabahçe” sarayındakı iş ofisində baş tutub. Görüşə ailəsi ilə gedən Aleks baş nazirlə 1 saat 15 dəqiqə müddətinə görüşüb.
Aleksi bir daha ölkəsində görməyi arzuladığını deyən Ərdoğan braziliyalı futbolçuya qol düyməsi, həyat yoldaşına qəhvə dəsti, şal və broş, uşaqlarına isə oyuncaq hədiyyə edib. Braziliyalı cütlüklə türkcə danışan Ərdoğan Aleksin həyat yoldaşına qəhvə dəstinin istifadəsi barədə məlumat verərək, “Aleks üçün qəhvəni özün hazırlayarsan” – dedi.
Qeyd edək ki, Türkiyənin baş naziri Rəcəb Tayyib Ərdoğan fanatik “Fenerbahçe” azarkeşidi.