.
Xaçmaz-Quba yolunun 7-ci kilometrliyində, Xaçmaz rayonunun Yergüc kəndi ərazisində 1 nəfərin ölümü ilə nəticələnən yol-nəqliyyat hadisəsi baş verib. Simsar.az-ın məlumatına görə, Quba rayonunun, Barlı kənd sakini, 32 yaşlı Saleh Qərib oğlu Babayevin idarə etdiyi 38 BA 805 dövlət nömrə nişanlı, “VAZ 21 011” markalı avtomobil Qubadan Xaçmaz istiqamətində hərəkətdə olarkən yoldan çıxaraq ağaca çırpılıb. Nəticədə sürücü hadisə yerində dünyasını dəyişib. Zərbənin gücündən nəqliyyat vasitəsi iki yerə bölünüb. Qəzaya düşən maşın sürücüyə məxsus deyil. Hazırda avtomobilin sahibinin kimliyi araşdırılır.