Kabinet tərəfindən qəbul edilən qanuni tənzimləmə birbaşa Ailə Qanuna daxil ediləcək
Almaniyada yaşayan yəhudi və müsəlman ailələrin uşaqlarını qanuni olaraq sünnət etdirə bilməsi üçün hazırlanan yeni qanun qəbul edilib. Simsar.az-ın məlumatına görə, Almaniya Ədliyyə naziri Sabine Leutheusser Şnarrenberqer kabinet iclasından sonra açıqlamasıda sünnətin həkimlər tərəfindən tibbi qaydalara uyğun olaraq edilməsini nəzərdə tutan yeni qanunvericilik tənzimləmənin qəbul edildiyini bildirib. “Yeni qanunla yəhudilər və müsəlmanlar uşaqlarını sünnət etdirməyə davam edə biləcək” deyən nazir, yeni qanuni tənzimləmədə uşaqların hüquqlarının da nəzərə aldığını bildirib.
Həkim olmayan, ancaq, sünnət mövzusunda ixtisas sahibi olan sertifikatlı şəxslərin də sünnət edə biləcəyi qeyd olunub.
Yeni hüquqi tənzimləmə həm də, ailələrin sünnətin riskləri mövzusunda maarifləndirilməsini də nəzərdə tutur.
Kabinet tərəfindən qəbul edilən qanuni tənzimləmə birbaşa Ailə Qanuna daxil ediləcək.
İlknur Salamova