.
İlk dəfə olaraq Suriyada yerli qaçqınlar üçün düşərgə salınıb. Simsar.az-ın məlumatına görə, Türkiyə sərhədinə çox yaxın Gah qəsəbəsində salınan düşərgədə 5 min adam yaşaya biləcək. Simsar.az xəbər verir ki, könüllülər tərəfindən açılan düşərgəyə sığınacaq axtaran şəxslər avtobuslarla gətirilib. Qaçqınlar burada içməli su və yeməklə təmin olunacaq.
Düşərgə xaricdən göndərilən ianələr hesabına salınıb. Düşərgəyə ən çox Liviyadan ianələr gəlib.
Birləşmiş Millətlər Təşkilatı Suriya qaçqınlarının sayının il sonuna qədər 700 min nəfərdən çox olacağını açıqlayıb.
Təkcə Türkiyədə 100 mindən çox suriyalı qaçqın var. Qonşu ölkə olan İordaniyada da 100 mindən çox suriyalı qaçqının olduğu deyilir.
İlknur Salmanova