Elnur Məcidli: “3-cü hissə daha güclü effekt yaradacaq”
Artıq bağlanmış Azərbaycan Beynəlxalq Universitetinin rektoru Elşad Abdullayev YAP-çı deputat Gülər Əhmədova ilə söhbətinin videosunun ikinci hissəsini yayımladıqdan sonra bütün gözlər ona dikildi. İctimaiyyət bu videonun davamı olub-olmayacağı, habelə rektorun növbəti addımları ilə maraqlandı.
E.Abdullayevin Fransadakı təmsilçilərindən biri, blogger-jurnalist Elnur Məcidli musavat.com-a açıqlamasında bu məsələlərə aydınlıq gətirdi. E.Məcidli öncə onu dedi ki, E.Abdullayevin bundan sonra hansı addımlar atması açılan cinayət işinin hansı yöndə getməsindən asılı olacaq. O, G.Əhmədova ilə bağlı videonun növbəti hissəsinin də olacağını dedi.
Əməkdaşımızın “deyilənə görə, həmin videoda Gülər Əhmədovanın Elşad Abdullayevdən aldığı pulları sayması ilə bağlı görüntülər var. Siz o videnu görmüsünüzmü” sualına cavabda isə E.Məcidli dedi ki, o fraqmenti indiki mərhələdə bizə dəqiq deyə bilməz: “Çünki onda 3-cü videonun marağı qaçar. Mən müstəqil bir jurnalist kimi bu işin tədqiqatı ilə məşğulam. Deyə bilərəm ki, 3-cü hissə daha güclü effekt yaradacaq”.
E.Məcidli E.Abdullayevin Strasburqda hüquq müdafiəçiləri ilə görüşü barədə də danışdı: “Görüşə qatılan hüquq müdafiəçiləri artıq Bakıdadır. Bir məqamı da deyim, onlar mətbuat konfransında bildiriblər ki, görüş Elşad Abdullayevin 2 günlük təkidindən sonra baş tutub. Bu, bir qədər fərqlidir. Çingiz Qənizadə öz yazısında Elşad Abdullayevi çay süfrəsi arxasına dəvət etmişdi. Mən də bu görüşün baş tutmasına kömək etdim, 2 günlük təkid olmadı. Sadəcə, iki gündə iki görüş oldu və çox normal, maraqlı müzakirələr oldu. Aradakı anlaşmazlıqlara və suallara müəyyən cavablar verildi. Elşad Abdullayev hüquq müdafiəçilərinə qardaşı Mahir Abdullayevin oğurlanması və həmin oğurluğu həyata keçirən, dövlət resurslarından istifadə edən cinayətkar dəstə haqqında geniş məlumatları əhatə edən çoxsəhifəlik ərizə təqdim edib”.
E.Məcidlidən E.Abdullayevin son olaraq Fransanı tərk etməsi ilə bağlı gəzən şayiələrə də münasibət öyrəndik. Onun sözlərinə görə, rektor Avropa parlamenti, YUNESKO və bənzər beynəlxalq və yerli dövlət qurumlarında görüşlər keçirdiyi üçün iş planına uyğun olaraq Paris, Brüssel və Strasburq şəhərlərində tez-tez olur: “Ancaq daimi yaşayış yeri əlbəttə ki, Fransadır”.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
