.
Serge Haroçe və David Vineland sürətli komputer icad ediblər
2012-ci il fizika üzrə Nobel mükafatı fransalı Serge Haroçe və amerikalı David Vinelanda verilib. Onlar bu mükafatı kvant optikasındakı işlərinə görə alıblar.
Hər ikisinin 68 yaşı olan bu fiziklər maddə ilə işığın qarşılıqlı əlaqəsini öyrənirlər.
İsveç Kral Akademiyası bildirir ki, Serge Haroçe və David Vinelandın inqilabi eksperimental üsullarıkvant sistemlərində ölçülər aparmağa və idarə etməyə imkan verir.
Bunun tətbiqi nələrə gətirəcək?
Akademiya hesab edir ki, bu iki fizikin işləri kvant fizikasına əsaslanan yeni növ super sürətli kompüterin yaradılmasında ilk addımdır.
Akademiya həmçinin bildirir ki, alimlərin bu araşdırması ifrat dəqiq saatın yaradılmasına aparacaq, bu da vaxtın yeni standartının müəyyən olunmasına əsas olacaq.