Azərbaycanın tanınmış yazıçısı Kamal Abdullanın daha bir nəsr kitabı işıq üzü görüb.
Azərbaycan ədəbiyyatında daha çox romanları ilə tanınan yazıçı Kamal Abdullanın bu dəfə hekayələr kitabı “Labirint” işıq üzü görüb. Simsar.az-ın məlumatına görə, kitabdakı hekayələr yaşadığımız dünya və sonsuz başqa dünyalar haqqında insan duyğuları, yuxuları və təsəvvürlərinin nəqlidir. Müxtəlif hekayələrin qəhrəmanlarına ya aşkar, ya da gizli şəkildə elə gəlir ki, onlar bir başqa dünyada da yaşaya bilərdilər. Müəllifin ən böyük arzusu oxucu ilə həmsöhbət olmaqdır.
Kitaba ön sözün müəllifi tanınmış şair Salam Sarvandır.