Gürcüstanın yeni hakimiyyəti "işğal olunmuş Abxaziya" haqqındaklı qanuna yenidən baxacaq.
Bu haqda Gürcüstanın gələcək reinteqrasiya naziri, politoloq Paata Zakareşvili bəyanat verib.
"Qanun olmalıdır, amma sanksiyalar minimuma endirilməlidir. Biz əhalinin, yüklərin və xarici müşahidəçilərin konflikt bölgəsində rahat gedə bilməsi üçün şərait yaratmalıyıq", gələcək nazir belə deyib.
Paata Zakeraşvili bunula qanundakı "Gürcüstanın işğal olunmuş ərazisi" maddəsinin ləğv olunmayacağını, bu ərazinin həqiqətən də Gürcüstanın ayrılmaz tərkib hissəsi olduğunu vurğulayıb.
Qeyd edək ki, 2008-ci ildə Gürcüstanın qəbul etdiyi bu qanunda, həm Abxaziya, həm də Cənubi Osetiya "Rusiya tərəfindən işğal olunmuş Gürcüstan əraziləri" kimi əks olunur.