Lisenziya şərtləri satıcıları spirtli içkiləri yalnız «əlaltından» satmağa məcbur edib
Özbəkistanın bütün ticarət mərkəzlərində araq satışı dayandırılıb. Simsar.az-ın Lenta.ru-ya istinadən xəbərinə görə, buna spirtli içkilərin lisenziyası ilə bağlı yeni qaydaların tətbiq olunması səbəb olub.
Yerli mənbələrin məlumatlarına görə, problem lisenziyanın fantastik qiymətləri və şərtləri ilə bağlı yaranıb. Belə ki, satış yerlərinin məktəb və uşaq tərbiyyə müəssisələrindən uzaq olması şərtləri irəli sürülür. Ticarət mərkəzlərinin bu kimi müəssisələrdən uzaq olmasını sübut etmək üçün isə dövlət məmurlarını «razı salmaq» lazım gəlir. Beləliklə, ticarətçilər araq və konyakı qanuni yolla sata bilmirlər. Belə olan halda isə spirtli içkilər «əl altından» bahalaşmış qiymətlərlə satılır.
Xatirə