Misirdə beş min adamın azadlığa çıxacağı gözlənilir
Misir prezidenti Məhəmməd Mürsi bütün siyasi məhbusları əfv edib. Simsar.az Rusiya mətbuatına istinadən xəbər verir ki, həmin məhbuslar ölkədə Hüsnü Mübarək rejiminə qarşı aksiyalarla bağlı həbs olunanlardır.
Əfv fərmanı müxtəlif maddələrlə ittiham olunan və müxtəlif müddətlərdə cəzaya məhkum edilən, həmçinin hələ məhkəməsi olmayan şəxsləri əhatə edir.
Misir hökuməti prezidentin fərmanına düşən siyasi məhbusların sayını hələ dəqiqləşdirməyib. Ölkədəki hüquq müdafiə hərəkatlarının məlumatlarına görə, hakimiyyət dəyişikliyindən sonra həbsxanalarda ən azı beş min siyasi məhbus cəza çəkir.
Siyasi məhbusların azadlığa buraxılması seçkiqabağı ortaya qoyulan ən başlıca məsələ idi.
Xatirə