/
NATO-nun baş katibi Anders Foqh Rasmussen Suriya müdaxilə etmək fikrində olmadıqlarını, amma müttəfiqləri Türkiyəni müdafiə etməyə hazır olduqlarını bildirib. Simsar.az-ın Türkiyə mətbuatına istinadən məlumatına görə, bu barədə NATO-ya üzv ölkələrin müdafiə nazirlərinin toplantısından öncə jurnalistlərə açıqlamasında deyib: “Əmin ola bilərsiniz ki, müttəfiqimiz Türkiyəni qorumağa və müdafiə etməyə hazırıq”.
Baş katib Suriya-Türkiyə sərhəddindəki gərginliyin toplantının gündəmində olmadığını, bu məsələnin qeyri-rəsmi görüşlərdə müzakirə olunacağını bildirib. Rasmussen Türkiyənin Suriyaya münasibətini təqdir edib və vəziyyətin daha da pisləşməməsinə ümid etdiyini deyib: “Vəziyyətin daha da pisləşməməsi üçün Suriya hökümətinin atmalı olduğu addımlar var”.
Fatimə Kərimli