.
Azərbaycanda daha bir rayonun prokuroru işdən çıxarılıb. Simsar.az-ın məlumatına görə, baş prokuror Zakir Qaralovun müvafiq əmri ilə Ağdaş rayon prokuroru Mirələkbər Seyidov səlahiyyət müddətlərinin başa çatması ilə əlaqədar tutduğu vəzifədən azad edilib. Onun sərəncamda olduğu bildirilir. M. Seyidovun vəzifəsini icra etmək müvəqqəti olaraq Yevlax rayon prokuroru Elxan Pənahova həvalə edilib.
Qeyd edək ki, bir neçə gün əvvəl Sabirabad rayon prokuroru Seyfulla Aslanov, Şamaxı rayon prokuroru Füzuli Musayev, Oğuz rayon prokuroru Afər Nəsirov və Balakən rayon prokuroru Vəli Əhmədov səlahiyyət müddətlərinin başa çatması ilə əlaqədar tutduqları vəzifədən azad edilərək sərəncama götürülüblər. Onların yerinə hələlik təyinat yoxdur.
Onu qeyd edək ki, bu il respublika üzrə 10-dan çox rayon prokurorunun səlahiyyət müddəti başa çatır. Bu yaxınlarda daha bir neçə rayon prokurorunun dəyişdiriləcəyi gözlənilir.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
