.
Bakıda "Azərbaycanda medianın durumu: Mövcud problemlər və çıxış yolları” mövzusunda iki günlük beynəlxalq konfrans öz işinə başlayıb.
Konfransı Demokratik Jurnalistlər Liqası, Azərbaycan Jurnalistlərin Həmkarlar İttifaqı (JuHİ), Beynəlxalq Avrasiya Mətbuat Fondu təşkil edib. . "Etik jurnalist təşəbbüsləri - Azərbaycan" layihəsi çərçivəsində keçirilən konfransa Avropa İttifaqının (Aİ) ölkəmizdəki nümayəndəliyi maliyyə dəstəyi verib.
Tədbiri açan JuHİ-nin sədri, "Etik jurnalist təşəbbüsləri - Azərbaycan" layihəsinin əlaqələndiricisi Müşfiq Ələsgərli ölkəmizdə medianın mövcud durumu, bu sahədəki problemlər, eləcə də yeni çağırışların və beynəlxalq təcrübənin öyrənilməsi baxımından tədbirin əhəmiyyətini qeyd edib.
Avropa İttifaqının Azərbaycandakı nümayəndəliyinin rəhbəri, səfir Roland Kobia bildirib ki, Avropada da vaxtı ilə söz azadlığı məhdudlaşdırılıb: “İstəməzdim ki, Avropanın dostları bu gün həmin səhvi təkrarlasınlar”.
Azərbaycan Mətbuat Şurasının sədri Əflatun Amaşov, Prezident Administrasiyası ictimai-cisyasi şəbəsinin nümayəndəsi, KİV DF-in icraçı direktoru Vüqar Səfərli və digər çıxışçılar mətbuatımızın mövcud durumu və inkişaf etdirilməsi ilə bağlı fikirlərini bölüşüblər.
Konfrans sentyabrın 26-da başa çatacaq.
Fatimə Kərimli
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
