.
ABŞ-ın Beynəlxalq İnkişaf Agentlyinin (USAİD) maliyyələşdirdiyi Azərbaycanda Səhiyyənin Gücləndirilməsi Layihəsinin “Vərəmlə bağlı stiqmaya qarşı mübarizə” mövzusunda jurnalist yazıları müsabiqəsinin qaliblərini elan edilib.
“Azərbaycanda Səhiyyənin Gücləndirilməsi Layihəsi”nin səhiyyə kommunikasiyası üzrə proqram meneceri Ayla Ələsgərova bildirilib ki, müsabiqəyə jurnalistlər tərəfindən 20 məqalə təqdim olunub.
“Təqdim olunan məqalələrdən 5-i müsabiqənin şərtlərinə cavab vermədiyi üçün ekspertizadan keçməyib. 15 yazı 7 meyar üzrə 10 ballıq sistemlə münsiflər heyəti tərəfindən qiymətləndirilib.
Həticələrinə görə, 3 media orqanı həvəsləndiriçi mükafata layiq görülüb.
Müsabiqədə 1-ci yerə isə “Mən vərəmə necə qalib gəldim” yazısıa görə, “Bütöv Azərbaycan” qəzetinin əməkdaşı Şəmsiyyə Kərimova;
2-ci yerə “Cəmiyyətin vərəm xofu” yazısına görə,Trend İnformasiya Agentliyinin əməkdaşı İlhamə İsabalayeva;
Gün.Az informasiya agentliyinin müxbiri Mirvari Kamilqızı “Vərəm stiqması - Sosial damğa” yazısına görə üçüncü yeri tutub.
“Simsar.az” və “Lent.az” saytlarının əməkdaşları həvəsləndirici mükafatlara layiq görünüblər.
Qaliblər ABŞ-ın Beynəlxalq İnkişaf Agentlyinin (USAİD) maliyyələşdirdiyi Azərbaycanda Səhiyyənin Gücləndirilməsi Layihəsi tərəfindən qiymətli hədiyyələri ilə təltif olunublar.