Haşimi : Bu “Müsəlmanların məsumiyyəti”nə cavabdır
Son zamanlarda gündəmin əsas mövzusu Həzrəti Məhəmmədi təhqir edən “Müsəlmanların məsumiyyəti” filmindən sonra Qətərdə “Nur” film şirkəti Hz. Məhəmmədin həyatından bəhs edən film hazırlayır. Simsar.az-ın Türkiyə mətbuatına istinadən məlumatına görə, şirkətin 450 milyon dollar büdcə ayırdığı film 3 hissədən ibarət olacaq. Filmin prodüsseri və şirkətin rəhbəri Əhməd Haşimi qrupun 2009-cu ildən bəri filmin ssenarisi üzərində işlədiyini bildirərək, ssenarinin artıq hazır olduğunu bildirib. Haşimi filmin son günlərdə ortaya çıxan iddialara cavab olduğunu deyib. Haşimi qeyd edib ki, filmin ssenarisini “Dünya Müsəlman Alimlər Birliyi” təşkilatı rəhbəri Yusuf əl-Qərdavi başda olmaqla bir çox islam alimləri ilə müzakirə ediblər.
Filmin vizual və bədii baxımdan ən təsiredici film olması üçün diqqət göstərdiklərini qeyd edən Haşimi film çəkilişləri tamamlandıqdan sonra bütün dünyada nümayiş ediləcəyini deyib.
Ülkər Eldarqızı