Qənirə Paşayeva Nəsrəddin Tusi adına məktəbin açılışında iştirak edib
Tovuz şəhərindəki Nəsirəddin Tusi adına adına tam orta məktəb üçün inşa olunan 1176 yerlik yeni məktəb binası istifadəyə verilib. Bu barədə Simsar.az-a millət vəkili Qənirə Paşayevanın mətbuat xidmətindən məlumat verilib.
Mərasimdə rayon icra hakimiyyətinin başçısı Tofiq Zeynalov və Milli Məclisin deputatı Qənirə Paşayeva iştirak edib, O, Tovuzda aparılan abadlıq və quruculuq işlərindən danışıb. Qeyd edib ki, Heydər Əliyev Fondunun prezidenti Mehriban Əliyevanın təşəbbüsü ilə reallaşan “Yeniləşən Azərbaycana yeni məktəb” proqramı çərçivəsində son illər rayonda 3 məktəb binası istifadəyə verilib. Bundan əlavə, daha 14 məktəb binası dövlət vəsaiti hesabına tikilib. Hazırda rayonda daha 3 məktəb binasının tikintisi davam edir.
Tədbir iştirakçıları yeni məktəb binası ilə tanış olublar.