.
Bakı-Şamaxı-Yevlax avtomobil yolunun 238-ci kilometrliyində, Ağdaş rayonu ərazisindən keçən Türyançay çayının üzərindəki avtomobil körpüsü 4 gün öncə qəzalı vəziyyətə düşdüyündən ərazidə yeni nativ körpü salınıb. Simsar.az-ın məlumatına görə əsas körpü istismar müddətini başa vuraraq tam qəzalı vəziyyətə düşdüyündən onun yanında mövcud olan və 1948-ci ildə istismara verilən dəmir konstruksiyalı köhnə yardımçı körpü müvəqqəti olaraq təmir edilərək avtomobillərin hərəkəti bərpa edilib. Körpüdə aparılan quraşdırma işləri bu gün axşam saat 21:30 radələrində başa çatdırılıb və körpü istifadəyə verilib.
Qeyd edək ki, ölkənin şimal rayonlarına yağan güclü leysan yağışları səbəbindən Türyançay çayında suyun səviyyəsi xeyli qalxıb, sel suları körpünün sütunlarını yuyaraq onun 4 yerdən çökməsinə səbəb olmuşdu. 1963-cü ildə istifadəyə verilən, uzunluğu 60 metr, eni 12 metr olan 3 sütundan ibarət körpü nəqliyyat vasitələrinin istifadəsi üçün yararsız sayılır. Nəqliyyat vasitələri nativ olaraq Göyçay-Ucar-Ağdaş yolundan istifadə edirdilər. Ağdaş sakinləri rayon mərkəzinə avtomobillə getmək üçün 60 kilometr artıq məsafə qət etməli olurdular.