.
Kürdəmir rayonunda yeni inşa edilən məktəb binalarının açılışı olub. Simsar.az-ın məlumatına görə rayonun Sorsor və Xırdapay kəndlərində 220, Qarasaqqal kəndində 180 şagird yerlik məktəb binaları yeni dərs ilinin başlanması münasibətilə müəllim və şagirdlərin istifadəsinə verilib. Məlumat verilib ki, hazırda rayonun Sığırlı kəndində 640, Şilyan kəndində 360, Qarabucaq və Xəlsə kəndlərində 80, Cəyli və Köhünlü kəndlərində 240, Qaramahmudlu kəndində 100 yerlik məktəb binalarının inşası davam etdirilir.
Qeyd edək ki, bu il Kürdəmir məktəblərini bitirən məzunlardan 463-ü ali məktəblərə keçirilən qəbul imtahanlarında iştirak edib və 207 nəfər tələbə adını qazanıb. Onlardan 13 nəfəri 500-dən, 3 nəfəri 600-dən yuxarı bal toplayıb.