Müğənni layihəni bəstəkar Elçin İmanovla birgə ərsəyə gətirib
Azərbaycan müğənnisi Zarina Məmmədova yeni layihə hazırlayıb. Bu barədə Simsar.az-a müğəninin özü məlumat verib.
Bəstəkar Elçin İmanovla birgə “Muğam” adlı mahnı ərsəyə gətirən Zarina bu layihədən böyük səs-küy gözləyir: “Çox böyük bir iş görmüşük. Sözləri Vahid Əzizə, musiqisi isə Elçin İmanova məxsus “Muğam” adlı mahnı gözəl xalq musiqilərimizi xatırladır. Çox sevinirəm ki, Elçin müəllim bu mahnını məhz mənə təqdim etdi. Axı mən xanəndəlik sinifində oxuyuram. Xalq artisti Aygün Bayramovanın tələbəsiyəm. Estrada mahnılarını ifa etməyimə baxmayaraq mən xanəndəyəm və muğamı heç vaxt atmaram”.
Zarina onu da əlavə etdi ki, mahnını 26 avqust Beynəlxalq Muğam Gününə həsr edib: “Həmin günü bir neçə canlı efirdə oldum və Elçin müəllimlə birgə sözügedən mahnını məhz muğam gününə həsr etdiyimizi vurğuladıq. Əfsuslar olsun ki, bu il mahnıya klip çəkdirə bilmədim. Amma düşünürəm ki, inşallah, gələn il yenə də muğam günündə mahnıya ekran həyatı verəm. Onu necə ifa etdiyimi isə tamaşaçılar qiymətləndirəcək”.
Yeni layihə barədə bəstəkar Elçin İmanov da danışıb. Onun sözlərinə görə, mahnını ifa etmək üçün ən uğurlu seçim məhz Zarinadır: “Bir çox müğənnniləri düşündük. Ancaq seçim Zarina oldu. Çünki ağır mahnıdır. Onun öhtəsindən hər müğənni gələ bilməz. Bu mahnını ifa etmək üçün gərək həm estrada həm də muğamı ifa edə biləsən. Vahid Əzizlə birgə Zarinanın ifasına qulaq asanda ikimiz də eyni qərara gəldik – budur dedik. Mahnı sanki Zarinanın səsinə uyğun yazılıb”.
Zarina həmçinin musiqisi Emin Kərimiyə sözləri Leyli İsrafilovaya məxsus “Gedirəm” mahnısını da yazdırıb. O, yaxın günlərlə bir neçə yeniliyi ilə də tamaşaçıların qarşısına çıxacaq.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
