.
Azərbaycan İslam Partiyası sədrinin təşkilat məsələləri üzrə müavini Arif Qəniyev cəzadan şərti olaraq vaxtından əvvəl azad etmə haqqında qərar ləğv edilərək yenidən həbs olunub.
Dünən Şirvan Rayon məhkəməsində Azərbaycan İslam Partiyası sədrinin təşkilat məsələləri üzrə müavini Arif Qəniyevin növbəti məhkəmə iclası keçirilib. Məhkəmə A. Qəniyevlə bağlı cəzadan şərti olaraq vaxtından əvvəl azad etmə haqqında qərarı ləğv edərək, cəzasının yerdə qalan hissəsini cəzaçəkmə müəssisəsində keçirməsi haqqında qərar qəbul edib.
Arif Qəniyevin azadlığa buraxılması ilə bağlı məhkəmə qərarı bu il iyunun 5-də qəbul edilib və iyunun 6-da islamçı azadlığa çıxıb.
Xatırladaq ki, A.Qəniyev Cinayət Məcəlləsinin 228.1 (qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla), partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə) və 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) maddələri ilə ittiham olunub. Yanvarın 26-da Sumqayıt Şəhər Məhkəməsi onu 1 il 6 ay müddətinə azadlıqdan məhrum edib. Arif Qəniyev birinci instansiya məhkəməsinin qərarından apellyasiya şikayəti verməyib. O, Salyandakı 5 saylı cəzaçəkmə müəssisəsində saxlanırdı
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
