Meteohəssas insanlarda diskomfort hissi yaranacaq
Azərbaycan ərazisində müşahidə olunan qeyri-sabit hava şəraiti sentyabrın 3-dək davam edəcək. Ekologiya və Təbii Sərvətlər Nazirliyi (ETSN) Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gürşad Məmmədovanın Simsar.az-a bildirib ki, Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, güclü şimal-qərb küləyinin əsəcəyi gözlənilir. Havanın temperaturu gecə saatlarında 19-22 dərəcə, günorta 25-29 dərəcə isti təşkil edəcək.
Azərbaycanın bölgələrində gecə və axşam saatlarında bəzi yerlərdə şimşək çaxacağı, yağış yağacağı gözlənilir. Arabir güclənən qərb küləyi əsəcək. Havanın temperaturu Mərkəzi Aran rayonlarında günorta saatlarında 30-35 dərəcə, dağlarda 21-26 dərəcə isti təşkil edəcək.
Sentyabrın 3-dək Abşeron yarımadasında xəzri küləyinin gətirdiyi sərinlik müsbət amil olsa da, güclü və davamlı xəzri küləyi meteohəssas insanlar üçün diskomfort hissi yarada bilər.