Quyu sutkada 150 min kubmetr qaz verir
ARDNŞ (Azərbaycan Dövlət Neft Şirkəti) "Qaradağ quru yatağında" yeni qaz quyusunu istismara verib. Simsar.az-ın məlumatına görə, bu barədə ARDNŞ-in cümə axşamı yaydığı məlumatda deyilir.
3355-3324 metr dərinlikdə quyu sutkada 150 min kubmetr qaz verir.
Quyu Qaz Anbarları İstismarı İdarəsinin sifarişi ilə həyata keçirilib. İdarənin balansında Qaradağ və Qalmaz iki yeraltı qaz anbarı var.
ARDNŞ-in tərkibinə "Azneft" İstehsalat Birliyi (quruda və dənizdə neft və qaz hasilatı müəssisəsi), "Azərkimya" İstehsalat Birliyi (kimya sənayesi müəssisəsi), "Azəriqaz" İstehsalat Birliyi (qazpaylayıcı) daxildir.