Yeni direktor hələ kollektivə təqdim olunmayıb
"Azərbaycanfilm" kinostudiyasının nəzdində fəaliyyət göstərən "Azanfilm" (Azərbaycan Animasiya Filmləri) studiyasına yeni bədii rəhbər və direktor təyin olunub. Nazirlikdən Simsar.az-a verilən məlumata görə, bu vəzifəyə gənc rejissor Fariz Əhmədov təyin olunub.
1983-cü ilin dekabrın 15-də anadan olan Əhmədov Azərbaycan Dövlət Mədəniyyət və İncəsənət Universitetində ssenarist ixtisasında (bakalavr səviyyəsi üzrə) və Moskvada Rusiya Dövlət Kinomatoqrafiya İnstitutunda magistratura səviyyəsi üzrə təhsil alıb.
O, bu yaxınlarda "Mayak" qısametrajlı bədii filmini çəkib. Yeni direktor hələ kollektivə təqdim olunmayıb.
Xatırladaq ki, “Azanfilm”in əvvəlki rəhbəri Elçin Hami Axundov idi.