Samir Kərimoğlu: “Video-çarxla bağlı bu günə qədər yalnız müsbət rəylər eşitmişəm”
Rejissor Samir Kərimoğlunun “Mən evə qayıdıram” hərbi-vətənpərvərlik mövzusundakı bədii filminin video-çarxı hazırdı. Sosial şəbəkələrdə paylaşılan video-çarx qısa müddət ərzində on mimlərlə insan tərəfindən izlənilib.
“Mən evə qayıdıram” filmi Qarabağ müharibəsinə həsr olunub. Hadisələr aviasiya hissələrindən birində baş verir. Mədəniyyət və Turizm Nazirliyinin sifarişli ilə “Salnamə” studiyasında çəkilən filmdə yerli və rusiyalı aktyorlar çəkiliblər.
Ssenari müəllifi İsmayıl Səfərəliyev, quruluşçu operator Ayxan Salar, quruluşçu rəssam – Əziz Məmmədov, filmin direktoru Mahir İbrahimov, icraçı prodüsser Nazim Hüseynovdur.
S.Kərimoğlu Simsar.az-a açıqlamasında bildirib ki, filmin çəkilişləri tam yekunlaşmayıb: “İki həftədən sonra mən kinosevərlərə xoş xəbər verəcəm”.
S.Kərimoğlu video-çarxla bağlı bu günə qədər yalnız müsbət rəylər eşitdiyini bildirib.