Türkiyə prezidentinin administrasiyası, Abdullah Gülün zəhərləndiyi haqda yayılan xəbərlərə rəsmi açıqlama ilə cavab verdi.
Türkiyə mediasında yer alan bir xəbərdə, Cankaya köşkü prezident Abdullah Gülün zəhərləndiyi ilə bağlı xəbəri təkzib etdi.
Türkiyənin Səhiyyə naziri Recep Akdağ, Hacettepe xəstəxanasında müalicəsi davam edən prezidentin sürətlə sağaldığını və yaxın zamanlarda işə çıxacağını bəyan edib.
Prezidentin həkimlərinin çox peşəkər və tanınmış bir həkim qrupundan ibarət olduğunu deyən səhiyyə naziri, "Prezidentin səhhəti sürətlə yaxşılaşır və zəhərlənmə iddiaları həqiqətə uyğun deyil", deyə vurğulayıb.