Onlar təhsilin keyfiyyətinin artırılması və hamı üçün pulsuz olmasını tələb edirlər
Çilinin paytaxtı Santyaqoda 100 mindən çox tələbə nümayiş keçirib. Simsar.az Rusiya mətbuatına istinadən xəbər verir ki, tələbələr təhsilin keyfiyyətinin artırılması və hamı üçün pulsuz olmasını tələb edib.
Nümayişlər dinc başlasa da, polis müdaxiləsindən sonra ara qarışıb. Nümayişçilər polisə daş və çubuqlar atıb, polis isə onlara göz yaşardıcı qazla cavab verib. 140-a yaxın nümayişçi aksiya zamanı saxlanılıb.
Təşkilatçılar nümayişlərdə 150 mindən çox adamın iştirak etdiyini bildirib.