Unun bahalaşması ilə bağlı İqtisadi İnkişaf və Kənd Təsərrüfatı nazirlikləri fərqli səbəblər göstərirlər
Unun qiymətinin bahalaşmasının səbəbləri arasında mübahisələr səngimək bilmir. Simsar.az-ın məlumatına görə, unun bahalaşmasının səbəblərini öyrənməyə məsul olan dövlət qurumlarının açıqlamaları ziddiyyət təşkil edir.
Məsələn, İqtisadi İnkişaf Nazirliyinin mətbuat xidmətinin rəhbəri Abbas Əliyev mətbuata açıqlamasında bildirib ki, unun qiymətinin bahalaşması dünyada ərzaq buğdasının qiymətindəki artımla bağlıdır.
Kənd Təsərüfatı Nazirliyinin Bitkiçilik Məhsullarının istehsalı, emalı və ərzaq ehtiyatlarının dövlət tənzimlənməsi şöbəsinin müdir müavini Hikmət Kərimov isə Simsar.az-a açıqlamasında bahalaşmanın xaricdəki qiymət artımı ilə hər hansı əlaqəsinin olmadığını deyib: «Qiymətin bahalaşması süni xarakter daşıyır. Fərdi kənd təsərrüfatı subyektləri buğdanın qiymətini qaldırıblar ki, bu da unun qiymətinə təsir göstərib».
Bu iki dövlət qurumundan hansının cavabının doğru olduğunu müəyyənləşdirmək çətin olmasa da, hökm çıxarmaq kimi niyyətimiz yoxdu. Yaxşı olardı ki, dövlət qurumları unun qiymətinin qalxmasının səbəblərini bir yerdə araşdırıb, vahid səbəb (lər) ortaya qoyardılar.
RUSLAN