Sabiq səhiyyə naziri ictimaiyyətin dəstəyi ilə azadlığa buraxılacağına ümidini itirib
2005-ci ildə azadlıqdan məhrum edilən sabiq səhiyyə naziri Əli İnsanov əfv olunmaq üçün prezident İlham Əliyevə müraciət edib. Simsar.az-ın məlumatına görə, bu barədə bizimyol.info məlumat yayıb. Həmin məlumata görə, Əli İnsanov yerli və beynəlxalq ictimaiyyətin dəstəyi ilə azadlığa buraxılacağı ilə bağlı inamını itirdiyindən bu addımı atıb. Prezidentə ünvanlanan müraciətin tam detalları bəlli olmasa da, Əli İnsanovun artıq bağışlanmaq istəyinin orada əks olunduğu güman edilir.
Xatırladaq ki, Ağır Cinayətlərə dair İşlər üzrə Məhkəmənin qərarı ilə Əli İnsanov rüşvətxorluqda, korrupsiyada, vəzifə səlahiyyətlərindən sui-istifadə etməkdə, dövlət əmlakını talamaqda ittiham olunaraq, 11 il azadlıqdan məhrum edilib.