Layihənin növbəti mərhələsi Ağsu rayonunda olacaq
“İRƏLİ” İctimai Birliyi Tarix Mərkəzinin Gəncə şəhərində həyata keçirdiyi “Arxeoloji düşərgə-3” layihəsi yekunlaşıb. Simsar.az-ın məlumatına görə, layihəyə qatılan 20 gənc qədim Gəncə adlandırılan ərazidə (İmamzadə Məscidi yaxınlığında) tarix elmləri doktoru, professor, arxeoloq Arif Məmmədovun rəhbərliyi altında arxeoloji qazıntılarda iştirak ediblər.
Gənclər arxeoloji qazıntılarda iştirak etməklə yanaşı, eyni zamanda aşkar olunmuş tapıntıların inventarlaşdırılması işi ilə məşğul olublar.
İştirakçılar Nizami Gəncəvinin məqbərəsini ziyarət edib, Nizami Gəncəvi adına Gəncə şəhər Tarix Diyarşünaslıq Muzeyi, Azərbaycan Xalq Cümhuriyyətinin İstiqlal Muzeyi, Aqrar Elm və Təhsil Muzeyində olmaqla Gəncə şəhərinin tarixi abidələri ilə yaxından tanış olublar.
Qeyd edək ki, “İRƏLİ” Tarix Mərkəzinin “Arxeoloji düşərgə 3” layihəsinin növbəti mərhələsi avqust ayının 26-dan başlayaraq sentyabr ayının 6-na kimi 20 nəfər gəncin iştirakı ilə Ağsu rayonunda baş tutacaq.
Fatimə
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
