Dövlət Neft Şirkətində Yaponiya şirkətinin nümayəndələri ilə görüş keçirilib
Bu gün Azərbaycan Dövlət Neft Şirkətində “SUMITOMO Corporation Eurasiya” şirkətinin partnyorları olan “Hitachi Plant Technologies” şirkətinin nümayəndələri ilə görüş keçirilib. ARDNŞ-in mətbuat xidmətindən Simsar.az-a verilən məlumata görə, görüşdə ARDNŞ-nin ekologiya üzrə vitse-prezidenti Rəfiqə Hüseynzadə və şirkətin müvafiq strukturlarının mütəxəssisləri iştirak ediblər.
Görüş “Hitachi” şirkətinin sutəmizləyici sistemləri, nasos və kompressor avadanlıqları sahəsində yeni texnologiyalarının tətbiqi barəsində ətraflı məlumatların təqdim edilməsi məqsədi ilə keçirilib.
Tədbirdə “Hitachi” və ARDNŞ mütəxəssisləri tərəfindən istehsalat zamanı formalaşan suların təmizlənərək tam utilizasiyası məsələsinin hazırda böyük aktuallıq kəsb etdiyi qeyd olunub, bu məsələ ətrafında müzakirə aparılıb.