Fövqəladə Hallar Nazirliyi Lənkəran şəhərində yerləşən konserv zavodunda baş vermiş yanğınla bağlı məlumat yayıb.
Simsar.az Fövqəladə Hallar Nazirliyinin saytına istindən xəbər verir ki, Lənkəran rayonu, Sütəmurdov kəndində yerləşən konserv zavodunda yanğın olub. Yanğın nəticəsində zavodun 350-400 kvadrat metr sahədə dam örtüyü və anbarın yanar konstruksiyaları, anbarda olan tara və plastik qablar yanıb.
Zavodun inzibati binası, istehsalat sexləri və ətraf tikililər yanğından mühafizə olunub. Yanğın tam söndürülüb.
Yanğının baş vermə səbəbləri araşdırılır.