“Gilan Holding”in Lənkəran rayonunun Sütəmurdov kəndində yerləşən Konserv Zavodunda güclü yanğın başlayıb
Fövqəladə Hallar Nazirliyinin (FHN) Lənkəran Yanğından Mühafizə Hissəsindən (YMH) Simsar.az-nın cənub bürosuna verilən məlumata görə, yanğın bu gün saat 13.30 radələrində qeydə alınıb. Hadisə yerinə 6 yanğınsöndürən maşın və canlı qüvvə səfərbər olunub. Hazırda yanğın davam edir.
Məlumatlara görə, yanğın zavodun soyuducu anbarında başlayıb.
Qonşu Astara və Masallı rayonlarından da hadisə yerinə yanğınsöndürmə briqadaları cəlb olunub.