Onlar Xaçmaz, Lənkəran və İsmayıllı rayonlarında yerləşən istirahət zonalarına göndərilib
Cari yay mövsümündə 750 nəfərədək əlil vətəndaş istirahət zonalarına göndərilib. Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən Simsar.az-a verilən məlumata görə, əlillərin asudə vaxtının səmərəli təşkili məqsədilə onların Xaçmaz, Lənkəran və İsmayıllı rayonlarında yerləşən istirahət zonalarına göndərilməsi istiqamətində tədbirlər davam etdirilir.
Nazirlik yanında Dövlət Sosial Təminat Xidmətindən bildiriblər ki, cari yay mövsümündə Bakı, Sumqayıt şəhərlərində və Abşeron rayonunda yaşayan 750 nəfərədək əlilliyi olan şəxsin qeyd olunan istirahət zonalarına göndərilməsi artıq təmin olunub. İstirahətə göndərilənlər arasında Azərbaycan Respublikasının ərazi bütövlüyü və Konstitusiya quruluşu uğrunda döyüşlərdə fiziki sağlamlığını itirmiş şəxslərə üstünlük verilir.
İki həftə davam edən istirahət günləri xüsusi mədəni-kütləvi proqram əsasında təşkil olunur və bu proqram çərçivəsində stolüstü oyun yarışlarının keçirilməsi, idman alətləri ilə məşqlər (trenajorlar), gəzinti turlarının təşkili və tarixi yerlərlə tanışlıq, tibbi və fizoterapevtik prosedurlar həyata keçirilir. İl ərzində ümumilikdə 1050 nəfərdən artıq əlilliyi olan şəxsin qeyd olunan istirahət zonalarına göndərilməsi nəzərdə tutulur.
Qeyd olunan tədbir "Əlilliyin və uşaqların sağlamlıq imkanları məhdudluğunun qarşısının alınması, əlillərin və sağlamlıq imkanları məhdud uşaqların reabilitasiyası və sosial müdafiəsi haqqında" qanunla əlaqədar Əmək və Əhalinin Sosial Müdafiəsi Nazirliyinin müvafiq əmri ilə təsdiq edilmiş "2012-ci ildə əlillərin və sağlamlıq imkanları məhdud uşaqların sosial müdafiəsi və reabilitasiyası Proqramı"na əsasən həyata keçirilir.
Proqrama uyğun olaraq, 28 günlük müddətdə bərpa müalicəsi almaq üçün 55 nəfər əlil vətəndaşın Ukraynaya, 30 nəfər əlil vətəndaşın isə Bolqarıstana göndərilməsi təmin edilib.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
