.
Saatlı rayonunun girəcəyində təxminən 5-6 km uzunluqda ərazini əhatə edən yaşıllıq məhv edilib. Saatlı rayon Suvarma Sistemləri İdarəsi tərəfindən aparılan “təmizləmə” işləri rayon sakinlərinin narazılığına səbəb olub.
Sosial Hüquqların Monitorinq Qrupundan Simsar.az-a daxil olan məlumata görə, yaşı 15 ilə yaxın olan müxtəlif növ ağaclar kötüyündən çıxarılıb. Ağaclar Saatlı Rayonu Meliorasiya və Su Təssərrüfatı Açıq Səhmdar Cəmiyyəti tərəfindən aparılıb. İdarədən bildirilib ki, rayondakı kanalı təmizləmək üçün ağacların qırılmasına ehtiyac yaranıb.
Qanunla ağacların qırılmasına zərurət yarandıqda qabaqacadan Ekologiya və Təbii Sərvətlər Nazirliyinə müraciət olunaraq, razılıq əldə olunmalıdır. Əks təqdirdə qurum qanunla müəyyən edilmiş məbləğdə cərimələnir.
RAMİL