ABŞ-da universitet tələbəsi Bret Kohen bu üsulu da sınaqdan keçirdi
ABŞ-da universitet tələbəsi Bret Kohen məşhurlar kimi görünmək üçün özünə pulla fotoqraf, cangüdən kirayələrək Nyu-York küçələrini gəzib. Simsar.az-ın Türkiyə mətbuatına istinadən məlumatına görə, 21 yaşlı tələbənin bu addımı atmaqda məqsədi məhşurluğun necə bir hiss olduğunu dadmaq olub. Məşhurlardan birini gördüklərinə görə həyəcanlanan Nyu York sakinləri onun başına toplaşıb. Kohenin məşhur aktyor, yaxud da müğənni olduğunu zənn edənlər onu böyük maraqla qarşılayıb. Bret “pərəstişkarlar”ı ilə 300 şəkil çəkdirib, onu görən qızların qışqırığı bir-birinə qarışıb. Kirayə muxbirin sualını cavablandıran “pərəstişkar”lardan biri “Yeni mahnısına qulaq asdım, məncə çox yaxşıdır”.
Bret Kohen “Youtube”-yə yerləşdirdiyi videoda bildirib ki, bu, sosial sorğu idi və bizim məşhurluğa nə qədər aludə olduğumuzu göstərirdi. Şöhrəti dadmaq gözəl idi.
Fatimə Kərimli