Ötən ay intihar edən 26 əsgərin hamısının kişi olub
ABŞ orudusunda ötən ay baş verən intiharların sayı açıqlanıb. Simsar.az-ın Türkiyə mətbuatına istinadən məlumatına görə, iyul ayı ərzində 26 ABŞ əsgəri intihar edib. Pentaqonun ən böyük problem kimi qiymətləndirdiyi əsgər intiharları iyun ayı ilə müqayisədə artıb. Belə ki, statistikaya görə iyun ayı ərzində 12 əsgər intihar edib. Ötən ay Dəniz Piyadalarında intihar edən rütbəli əsgərlərin sayı 8 olsa da, iyun ayında bu rəqəm 6 olub. Ümumilikdə isə bu ilin 7 ayı ərzindı intihar edən əsgərlərin sayı 116-ya çatıb. İlin sonuna qədər bu rəqəmin 200-ə çatacağı ehtimal olunur. 2011-ci il ərzində isə cəmi 167 əsgərin intihar etdiyi açıqlanmışdı.
Ötən ay intihar edən 26 əsgərin hamısının kişi olduğu, onlardan 13-nün evli, 10-nun subay, 3-nün isə boşanmış olduğu açıqlanıb.
Fatimə Kərimli