Yanğının söndürülməsi üçün əraziyə təyyarə və helikopterlər cəlb edilib
İsmayıllı rayonunun Tircan və Qaraqaya kəndləri arasında çətin keçilən dağlıq ərazidə, 3 ha kol-kos, quru ot və seyrək ağaclar olan sahə yanır. Simsar.az-ın FHN-nin rəsmi saytına istinadən verdiyi məlumata görə, yanğının genişlənərək yaxınlıqdakı meşə zolağına keçmək təhlükəsi yaranıb. Yanğın baş verən əraziyə Fövqəladə Hallar Nazirliyinin Dövlət Yanğından Mühafizə Xidmətinin və Şimal-qərb Regional Mərkəzinin canlı qüvvəsi və texnikası, habelə Aviasiya dəstəsinin 2 ədəd helikopteri və Be-200 markalı amfibiya təyyarəsi cəlb edilib.
Hazırda yanğının söndürülməsi və meşə zolağına keçməsinin qarşısının alınması üçün müvafiq tədbirlər görülür.