Təşkilatın qəbul etdiyi bəyannamədə Ermənistanın Azərbaycana qarşı təcavüzü pislənib
İslam Əməkdaşlıq Təşkilatı Ermənistanın Azərbaycan torpaqlarını işğal etməsini növbəti dəfə kəskin qınayıb. Azərbaycan Xarici İşlər Nazirliyinin mətbuat xidmətindən Simsar.az-a verilən məlumata görə, cari ilin 14-15 avqust tarixlərində Səudiyyə Ərəbistanı Krallığının Məkkə şəhərində keçirilən İslam Zirvə Toplantısının Dördüncü Fövqəladə Sessiyasında dünya müsəlmanlarının narahatlığına səbəb olan məsələlər müzakirə olunub, Suriya, Fələstin, Mali və Myanmadakı vəziyyətlə bağlı müvafiq qətnamələr qəbul edilib.
Zirvə Toplantısının sonunda müzakirə olunmuş məsələlərlə bağlı İslam Əməkdaşlıq Təşkilatına üzv ölkələrin mövqeyini əks etdirən Yekun Bəyannamə qəbul olunub.
Qəbul olunmuş Bəyannamədə İslam Əməkdaşlıq Təşkilatına üzv ölkələr Ermənistanın Azərbaycana qarşı təcavüzünü pisləyib və Ermənistanı Silahlı Qüvvələrini işğal olunmuş Azərbaycan ərazilərindən çıxarmağa çağırıb.