Sənətkar 55 yaşını iftar süfrəsində qeyd edəcək
Xalq artisti, bir sıra beynəlxalq mükafatların qalibi Alim Qasımovun ad günüdür. Doğum günündə Simsar.az-a danışan xanəndə bildiridi ki, axşam saatlarında iftar süfrəsi təşkil edəcək: «Yaxınlarım, tanışlarım və dostlarımla birlikdə suyumuzu içib, xurmamızı yeyib, iftar edəcəyik. Axşamı gözləyirik».
Yaradıcılıq planlarına gəldikdə isə A.Qasımov qeyd etdi ki, London səfərinə hazırlaşır: Qızı Fərqanə ilə birlikdə avqustun 21-də burada konsert verəcək.
Alim Qasımov 1957-ci il avqustun 14-də Şamaxıda anadan olub. 25 yaşında muğam müsabiqəsində müvəfəqiyyət qazanıb. 1999-cu ildə Beynəlxalq İMC UNESKO Müsiqi Mükafatıını alıb. Amerikanın məşhur Corctaun və İordaniyanın Starateji Araşdırmalar Mərkəzinin keçirdiyi müsabiqədə dünyanın ən nüfuzlu 500 müsəlmanı arasında dörd azərbaycanlıdan biri seçilib. Bu il keçirilən «Eurovision» mahnı yarışmasında Səbinə Babayeva ilə birlikdə çıxış edib.
Ailəlidir, üç övladı var.
Xatirə