"Kənd toyuğu" təəssüratı yaratmaq məqsədilə toyuq ətinin üzərinə vurulan süni boyaq maddəsinin sınaqlarının nəticələri müəyyən edilib
3 gün öncə ağ toyuq ətinin saraldılması haqqında məlumat vermişdik. “Ağ toyuq necə saralır?” (http://simsar.az/news/a-24228.html) başlıqlı xəbərdə ağ toyuq ətinin saraldılması üçün mənşəyi bilinməyən süni boyaq maddələrindən istifadə olunduğunu bildirmişdik.
Artlıq bu maddənin sirri açılıb. Simsar.az xəbər verir ki, Bakının Suraxanı rayonunun Hövsan qəsəbəsindəki broyler istehsal sexində toyuq ətinə vurulan kimyəvi maddənin adı müəyyən olunub.
Azərbaycan Standartlaşdırma, Metrologiya və Patent üzrə Dövlət Komitəsinin (SMPDK) mətbuat xidmətindən Simsar.az-a daxil olan məlumata görə, Hövsan qəsəbəsinin Hövsankənd ərazisində qeyri-qanuni fəaliyyət göstərən və toyuq kəsimi ilə məşğul olan fərdi təsərrüfat obyektlərindən götürülmüş nümunələrin və istehlakçılarda "kənd toyuğu" təəssüratı yaratmaq məqsədilə toyuq ətinin üzərinə vurulan süni boyaq maddəsinin sınaqlarının nəticələri müəyyən edilib.
SMPDK-nin Təcrübə-Sınaq Mərkəzinin (AzTest) yeyinti və kənd təsərrüfatı məhsullarının sınağı laboratoriyasında aparılmış sınaqların nəticələrinə əsasən, toyuq ətində mikrobioloji göstəricilərdən "mezafil aerob" və "fakultativ anaerob" mikroorqanizimləri aşkarlanıb. Bundan başqa, toyuq ətinin üzərinə vurulan süni boyaq maddəsinin cücə-broyler istehsalında istifadəsinə icazə verilməyən, insan orqanizmi üçün təhlükəli hesab edilən "tartarazin" boyaq maddəsi olduğu müəyyən edilib.
Aşkar edilmiş faktlar insan həyatına, sağlamlığına, əmlakına və ətraf mühitə ziyan vurma təhlükəsi yaratdığına görə həmin fərdi təsərrüfat obyektlərinə qarşı qanuna müvafiq tədbirlərin görülməsi məqsədilə Suraxanı Rayon İcra Hakimiyyətinə və Suraxanı rayon prokurorluğuna müraciət edilib.
Xatırladaq ki, Hövsankənd ərazisində qeyri-qanuni fəaliyyət göstərən və toyuq kəsimi ilə məşğul olan fərdi təsərrüfat obyektləri barədə SMPDK yanında Texniki Tənzimləmə və Standartlaşdırma üzrə Dövlət Nəzarəti Xidmətinə məlumat daxil olub. Daxil olmuş məlumat əsasında reydlər aparılmış və həmin obyektlərdə antisanitar vəziyyətin mövcud olduğu, heç bir gigiyenik norma və qaydalara əməl olunmadığı, mənşəyi bilinməyən süni boyaq maddələrindən istifadə edilərək toyuq ətinin rənginin saraldılması faktları aşkar edilib.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
