Yüksək sürətin hadisənin baş verməsinə səbəb olduğu bildirilir
Bakıda ölümlə nəticələnən ağır yol qəzası baş verib. Suraxanı rayon Polis İdarəsindən Simsar.az-a verilən məlumata görə, hadisə ötən gecə qeydə alınıb. Yüksək sürətlə idarə olunan, 1964-cü il təvəllüdlü Hüseynov Tahir Fətulla oğluna məxsus “Toyota” markalı avtomobil yoldan çıxaraq aşıb. Nəticədə avtomobilin sürücüsü T. Hüseynov aldığı xəsarətdən hadisə yerindəcə dünyasını dəyişib. Avtomobildə olan daha bir sərnişin xəstəxanaya yerləşdirilib.
Faktla bağlı araşdırma aparılır.