Hadisə ilə əlaqədar müvafiq qurumlar tərəfindən təhqiqat aparılır
Fövqəladə Hallar Nazirliyi avqustun 7-də Şəki rayonu ərazisində baş vermiş dəhşətli yol-nəqliyyat hadisəsi ilə bağlı məlumat yayıb. Simsar.az nazirliyin saytına istinadən xəbər verir ki, rayonun Təzəkənd kəndində (rayon mərkəzindən 40 km aralı) “KamAZ” markalı yük avtomobili və “Mercedes” markalı minik avtomobili toqquşub.
Nəticədə avtomobilin sürücüsü, 1960-cı il təvəllüdlü Əhmədov Məhəmməd Əhməd oğlu, sərnişinləri: 1963-cü il təvəllüdlü Moladze Eldar Zeynal oğlu, 1981-ci il təvəllüdlü Aslanov Elbrus Nurəddin oğlu və 1983-cü il təvəllüdlü İmanov Vüqar Mais oğlu hadisə yerində ölüb.
V.İmanovun cəsədi vətəndaşlar tərəfindən, M.Əhmədov, E.Moladze və E.Aslanovun cəsədləri yanğınsöndürən-xilasedicilər tərəfindən deformasiyaya uğramış nəqliyyat vasitəsindən müvafiq qaydada çıxarılıb.
Hadisə ilə əlaqədar müvafiq qurumlar tərəfindən təhqiqat aparılır.