Bu proses ilk olaraq ümumtəhsil məktəblərin bir və beşinci siniflərində tətbiq ediləcək
Təhsil Nazirliyi aşağı siniflərdə iş dəftərlərini ləğv etdi. Ümumtəhsil məktəblərin bir və beşinci siniflərində iş dəftərləri ləğv edilib. Bunu Simsar.az-a açıqlamasında Təhsil Nazirliyinin Dərslik və nəşriyyat şöbəsinin müdiri Faiq Şahbazlı deyib. O qeyd edib ki, kurrikulum sisteminə uyğun yeni dərsliklər çap olunduğu üçün həmin siniflərin iş dəftəri komplektin tərkib hissəsindən çıxarılıb.“Əvvəllər iş dəftəri komplektin tərkib hissəsi idi. Hazırda isə kurrikulum sisteminə uyğun dərsliyimiz çap olunduğu üçün, buna ehtiyac yoxdur. Amma nəşriyyatlar özləri istəsələr çap edə bilərlər, orada yaxşı tapşırıqlar var və valideynlər də istəsələr, onu ala bilərlər. Ancaq bu məcburi deyil”.
F. Şahbazlı digər siniflərdə isə iş dəftərindən istifadə ediləcəyini və onun dərslik üçlüyünün tərkib hissəsi olduğunu vurğulayıb./modern