İlya Medvedev MDU-ni bəyənmədi
Dmitri Medvedevin oğlu imtahansız Moskva Dövlət Universitetinin hüquq fakültəsinə qəbul olub. Simsar.az Rusiya mətbuatına istinadən xəbər vririr ki, baş nazirin oğlu İlya Medvedev Moskva Dövlət Universitetinin hüquq fakültəsinə qəbul olub. İlya Medvedev hüquq fakültəsinə imtahansız qəbul olunub. Buna səbəb onun olimpiadalarda yksək göstərici ilə çıxış etməsidir. Qanunvericiliyə görə, fənn Olimpiadalarının qalibləri imtahan vermədən istənilən instituta qəbul ola bilərlər.
Bundan əvvəl verilən məlumatlara görə, İlya Medvedev sənədlərini Moskva Dövlət Beynəlxalq Münasibətlər İnstitutuna verib. Baş nazir isə bildirib ki, oğlu bir neçə instituta sənəd verib, lakin o konkret ali məktəb adı açıqlamayıb. O qeyd edib ki, hansı fakültədə oxuyacağına İlya özü qərar verəcək. Dmitri Medvedev özü ixtisasca hüquqşünasdır.
İlyanın qərarı artıq məlumdur. O, Moskva Dövlət Beynəlxalq Münasibətlər İnstitutunu seçib.