Tehran rejimi Suriyada qaçırılan 48 zəvvarın azad olunması üçün Ankaradan xahiş etdi
İran Suriya paytaxtı Dəməşqdə qaçırılan zəvvarların geri qaytarılması üçün Türkiyədən yardım xahiş edib. İranın xarici işlər naziri Əli Əkbər Salehi və Türkiyə xarici işlər naziri Əhməd Davudoğlu arasında baş tutmuş telefon danışığı zamanı Suriyadakı hadisələrlə yanaşı 48 şiə zəvvarın geri qaytarılması müzakirəyə çıxarılıb. Salehi iranlı zəvvarların azadlığa buraxılması üçün Türkiyənin səylərini ortaya qoymasını xahiş edib. Davudoğlu bu məsələdə həmkarına “hə” deyib.
Əlavə edək ki, 48 iranlı zəvvar Dəməşqdən aeroporta gedərkən onların əyləşdiyi avtobus silahlı şəxslərin hücumuna məruz qalıb. Xatırladaq ki, Suriya rejimini dəstəklədiyi üçün İran vətəndaşları bu ölkədə tez-tez hücumlara məruz qalır.